Hvað gerir jólasveinaþjónusta Skyrgáms?
Skyrgámur og bræður útvega skemmtikrafta á jólaskemmtanir og öll tilefni sem jólasveina er þörf. Frá stofnun árið 1998 hefur Skyrgámur ehf stjórnað á sjötta þúsund jólaskemmtunum. Mikil reynsla og þekking hefur skapast á tímabilinu. Eigendur þjónustunnar eru Bendt Bendtsen og Guðni Már Harðarson.
Skyrgámur hefur skapað sér hóp traustra og ánægðra viðskiptavina sem samanstendur af fjölmörgum fyrirtækjum, leikskólum, einstaklingum, félagasamtökum og stofnunum. Jólasveinaþjónustan býður uppá heildarlausn fyrir skipuleggjendur jólaballa.
Heildarlausnir geta samanstaðið af sal, veitingum, tónlistarstjóra og ballstjóra, forsöngvara, hljóðkerfi, sælgæti, skemmtikrafta og allt sem hver óskar til þess að jólaballið verði fullkomið. Jólasveinaþjónusta Skyrgáms hefur frá upphafi tekið þá stefnu að starfa í anda jólanna og hafa gaman að hlutunum.
Starfsmenn Skyrgáms hafa allir mikla reynslu af leiklist og starfi með börnum, ýmist á leikjanámskeiðum, við íþróttaþjálfun, í barnastarfi kirkjunnar eða í sumarbúðum. Jólasveinarnir geta komið einn eða fleiri, á hvers kyns jólaskemmtanir, spjallað við börnin, sagt sögur, sýnt galdra, leikið á hljóðfæri og sungið.
Hjálparstarf kirkjunnar hefur verið í samstarfi við Jólasveinaþjónustu Skyrgáms allt frá stofnun þjónustunnar.
Til að leggja sitt af mörkum hefur Jólasveinaþjónusta Skyrgáms frá upphafi látið 20% af veltu jólasveinaþjónustunnar renna til Hjálparstarfs kirkjunnar. Samtals hafa rúmar 15.000.000 króna runnið til fjölbreyttra verkefna. Verkefni eins og til bágstaddra í Indlandi og Mósambík, í innanlandsaðstoð og fræðsluefni fyrir fermingarbörn.
