Á tímum Covid 19 þarf að koma með nýjar lausnir og ein af þeim er að fá jólasveinana til að senda rafræna kveðju til barnanna. Þetta er í raun ofureinfalt, fyllt er út neðangreindar upplýsingar, við bræður tökum upp kveðju sem við sendum svo með tölvupósti. Hægt verður að horfa á kveðjuna hvenær sem er.
Til að hafa kveðjuna hvað persónulegasta þá er frábært að koma með nokkrar upplýsingar um börnin, hvað þeim finnst skemmtilegast að gera og kannski hvað þau hafa verið dugleg með á undanförnum misserum. Eitthvað sem stendur uppúr.
Hlökkum til jólanna og gerum þau sérstök.
Við bjóðum líka uppá pakkadreifingu og heimsóknir á aðfangadag sem aðra daga.
Síðan 1998 hefur Jólasveinaþjónusta Skyrgáms gefið 20% til Hjálparstarfs kirkjunnar af öllum jólasveinaheimsóknum.