Að fá jólasveina í heimsókn á leikskólann er alltaf jafn vinsælt og vekur upp spennu og gleði.

Reynsla og samfélagsábyrgð

Við erum skemmtilegir, þaulvanir, og uppátækjasamir jólasveinar sem hafa starfað frá árinu 1998, alla tíð höfum við látið 20% af tekjum okkar renna til Hjálparstarfs kirkjunnar og þannig safnað rúmlega 15 milljónum króna til þeirra sem minnst mega sín hérlendis sem erlendis.  

Fagmennska og áreiðanleiki 

Hver jól heimsækjum við tugi leikskóla og vitum að jólasveinarnir þurfa að kunna öll jólalög uppá tíu, vera stundvísir og hressir en samt þannig að lítil hjörtu skelfist ekki. 

Við sendum tölvupóst og hringjum á undan okkur til að við séum öll á sömu blaðsíðu.

Við bókum ekki þétt og tryggjum að allir fái nægan tíma með jólasveinunum.

Sveigjanleiki

Við búum yfir stórum flokki jólasveina, alla með reynslu úr kennslu, þjálfun, leikjanámskeiðum eða sumarbúðum. Við og eigum því mjög auðvelt að útvega eins marga og þarf til skipta niður á deildir, sé þess þörf. Við getum verið sveigjanlegir á tímasetningum og innkomum og reynum að gera þetta allt á forsendum skólanna.