Jólasveinaþjónustu Skyrgáms, hefur frá upphafi, lagt áherslu á að starfa í anda jólanna og gefið 20% af öllum jólasveinaheimsóknum til Hjálparstarfs kirkjunnar.

Hjálparstarfið hefur nýtt peninganna til ýmissa verkefna t.d. keypt vatnsbrunna í Mósambík og Úganda, stutt skólagöngu barna í Indlandi og veitt örlán og fræðslu til kvenna í fátækustu héruðum Eþíópíu ásamt því að styðja, hérlendis, við lyfjakostnað þeirra sem ná ekki endum saman, framhaldsskólamenntun, sumarbúðadvöl og úthlutað matarkortum, boðið uppá fjármálaráðgjöf og námskeið, svo fátt eitt sé nefnt.

Á síðasta ári var gjöf Skyrgáms nýtt til að gera fræðsluefni um Hjálparstarf kirkjunnar með það að markmiði að gera fólk meðvitaðra um þörf náungans og hið faglega starf sem hjálparstarfið vinnur með þeim sem standa höllum fæti.

Jólasveinaþjónusta Skyrgáms hefur jafnframt komið að jólaballi fyrir skjólstæðinga Hjálparstarfsins í samvinnu við Hjálparstarfið og gefið jólasveinaþjónustu og sælgæti. Stefnt er að því að jólaballið verði árlegur viðburður.

Jólasveinaþjónusta Skyrgáms er stolt af stuðningi sínum við Hjálparstarf kirkjunnar.

hjalplog2bJoli_sjalfur