Senn líður að jólum og eru bara örfáir dagar til jóla. Því er hver að verða síðastur að panta heimsókn alvöru jólasveina á aðfangadag heim til sín. Fyrirkomulagið er mjög einfalt. Við verðum á ferðinni frá kl. 11 til rúmlega 13 á aðfangadag og látum við fólk vita hvenær von er á okkur til þeirra deginum áður. Tveir jólasveinar koma saman í hverja heimsókn og stoppa í ca. 10 mínútur. Þeir segja syngja, segja sögur, töfra eitthvað skemmtilegt og afhenda pakka ef þess er óskað.

Vinsældir heimsókna jólasveinanna hafa aukist ár frá ári og eru alltaf jafn skemmtilegur viðburður. Nokkrar fjölskyldur hafa fengið okkur í heimsókn frá upphafi og eru jólasveinarnir farnir að hitta börn þeirra barna sem þeir heimsóttu fyrir 12 árum síðan.

Þeir sem vilja fá heimsókn 2ja sveina á aðfangadag geta haft samband með því að senda tölvupóst á netfangið skyrgamur@skyrgamur.is. Tekið verður við pöntunum fram á þriðjudag, 22. desember, ef ekki fyllist hjá okkur fyrr.

Okkur langar að setja hér inn smá klausu úr tölvupósti sem okkur barst í dag:

þið eruð frábærir…. það voru allir hæstánægðir með sveinana  og
jólaballið,  það eru alveg áhöld um hverjir skemmtu sér betur, börnin
eða fullorðnir.  og sonardóttir mín syngur núna,,ég sá ömmu kissa
jólasvein….
þið fáið meðmæli frá okkur…
Bestu þakkir fyrir okkur…
kv. Sjöfn…

Þetta er ein af fjölmörgum góðum kveðjum sem við höfum fengið til okkar. Við höfum nú heimsótt vel á annað hundrað staði. Fjöldi barna sem hafa hitt okkur er ekki hægt að telja. Við verðum á ferðinni á milli jóla og nýárs og getum enn bætt við okkur fjölskylduboðum, fyrirtækjaheimsóknum eða aðra staði þar sem fólk er saman komið í tilefni jólanna.

Mánudaginn 30. des kl. 11:00 boða Grýla og Skyrgámur og Hjálparstarf kirkjunnar til blaðamannafundar við Esjustofu sem er fagur veitingaskáli við rætur Esju.

Á fundinum mun Grýla mæta í fylgd sona sinna með nýbakað brauð í fórum sínum, brauð sem hún hefur bakað handa hungruðum heimi og sonur hennar Skyrgámur mun afhenda 584.400 kr  króna afrakstur Jólasveinaþjónustu Skyrgáms sem árlega safnar til Hjálparstarfs kirkjunnar. Peningunum verður skipt jafns milli innanlands- og utanlandsaðstoðar Hjálparstarfsins.

Jólasveinaþjónustan hefur nú gefið rúmlega fimm milljónir til Hjálparstarfs kirkjunnar á 12 ára starfsferli sínum. Fénu hefur verið varið hérlendis sem og í Malaví og Úganda þar sem Hjálparstarf kirkjunnar styður þróunarverkefni.

Jólasveinaþjónustan heimsækir hundruð leikskóla, fyrirtækja og einstaklinga fyrir jólin með boðskap og grín og gefur 20% af veltunni til Hjálparstarfsins.

Hægt er að sjá viðtal við Grýlu og Skyrgám hér.

Alltaf styttist í jólin - það allavega lengist ekki.

Við erum að koma vel undan sumri og erum byrjaðir að undirbúa næstu jól. Þeir sem vilja fá okkur í heimsókn geta byrjað að hafa samband við okkur.

Viltu fá 2 hressa, skemmtilega, skrýtna, káta, syngjandi glaða, rammgöldrótta og umfram allt alvöru jólasveina í heimsókn til þín á aðfangadag? Jólasveinaþjónusta Skyrgáms mun í ár eins og mörg önnur árin bjóða uppá slíka þjónustu. Það koma 2 jólasveinar í heimsókn og stoppa þeir í um það bil 10 mínútur á hverjum stað. Þeir syngja, segja sögur, galdra kannski, spjalla við börnin og fullorðna og reyna að stitta biðina eftir jólunum.

Við erum á ferðinni frá kl. 11 til kl. 14 og við munum láta alla vita hvenær von er á okkur í heimsókn. Þeir sem hafa áhuga að fá þessa 2 skrítnu og hressu karla í heimsókn geta haft samband í gegnum tölvupóst skyrgamur@skyrgamur.is eða með því að hringja í síma 5871097.  Tekið er við pöntunum fram til sunnudagsins 21. desember.

Við fáum oft góðar kveðjur frá þeim sem við heimsækjum í tilefni komu jólanna. Hér er ein kveðja sem barst okkur frá Lögmannsstofunni Logos í síðustu viku þar sem við heimsóttum þau á jólaball. Á staðnum þegar við komum var Árni Heiðar sem spilaði undir og stjórnaði söng og jólaballinu öllu.

Sæll Skyrgámur,

Ég vil byrja á að þakka ykkur kærlega fyrir frábæra skemmtun í gærkvöldi. Ánægjan skein úr augum allra hér í gær og erum við búin að fá þvílíkar þakkir fyrir að hafa skipulagt svona gott jólaball þar sem bestu jólasveinar sem fólk hefur nokkru sinni komist í návígi við skemmtu bæði börnum og fullorðnum. Það hefur mikið verið talað um þetta í dag og greinilegt að fólk var alveg yfir sig hrifið. Enda ekki við öðru að búast þar sem hér er um að ræða vana menn. Þú mátt því endilega koma þessum lofum og þökkum áfram til þinna jólasveina og einnig til Árna Heiðars þar sem einnig hefur verið mikið talað um hvað hann var góður ballstjórnandi.

Kveðja
Solveig Edda Cosser

LOGOS
Efstaleiti 5
103 Reykjavík

Þá er komin 1. í aðventu og því fylgir að við bræður erum komnir aðeins á stjá. Við erum samt ekki opinberlega komnir til byggða en það má segja að við séum að undirbúa komu okkar. Undirbúningurinn er þannig að við förum á röltið um sveitirnar í kringum höfuðborgarsvæðið og stundum látum við sjá okkur þar.

Við hittum mörg leikskólabörnin þar sem þau verða úti í skógi með leikskólafólkinu að leita að hinu rétta jólatré eða bara í skógargöngu og er það alltaf jafn gaman að hitta minnstu börnin kappklætt í kuldanum. Við þurfum að sjálfsögðu að koma okkur í rétta formið fyrir jólin því það er nóg að gera að gefa öllum þessum þægu börnum í skóinn þegar líða fer að jólum.

Það er bara um að gera að hafa samband við okkur ef þið viljið að við kíkjum í heimsókn til ykkar fyrir og um jólin. Við heimsækjum alla, alls staðar, hvenær sem er, heimahús, fyrirtæki, skóla, leikskóla, kirkjur og alla þá sem vilja að jólasveinninn kíkji við í skemmtilega heimsókn.

Rétt í þessu var Jólasveinaþjónusta Skyrgáms að afhenda 723.300 kr. til Hjálparstarfs kirkjunnar en það er afrakstur þjónustunnar í fyrra.

Framlagið í ár mun renna til helminga til aðstoðar innanlands og til vatnsverkefna í Afríku.

Þá eru pantanir byrja að streyma inn til okkar hjá Jólasveinaþjónustu Skyrgáms. Vinsælast er að senda á okkur tölvupósta og erum við í því þessa dagana að svara öllum þeim fjölda pósta sem koma inn til okkar. Öllum póstum er svarað þannig að svar er komið daginn eftir að fyrirspurn hefur verið send til okkar.

Einnig erum við stundum við símann en best er að ná í okkar fyrir hádegi á daginn þar sem við bræður erum önnum kafnir við að útbúa okkar fjölbreyttu og skemmtilegu sælgætispoka og gjafir sem við munum reyna að dreifa til sem flestra í ár.

Þeir sem vilja hafa samband við okkur er bent á að senda tölvupóst á netfangið skyrgamur@skyrgamur.is eða með því að hringja í okkur í síma 587-1097.